History

By: addphl on 1:13 AM

Sa tuig 1956 gihimo amg mga seminar nga gitawag ug BCC or Basic Christian Community sa bag-ong Diocesan priest nga si Fr. Godofredo Maghanoy, dinhi sa parokya ni San Francisco Xavier sa Malapatan, Sarangani Province. Dihang miabot ang tuig 1987 gi-obliga sa maong kura paruko nga magmugna ug Kristohanong Katilingban, ang gitawag GKK karon Gagmay’ng Kristohanong Katilingban” o BCC “Basic Christian Community”. Ug tungod kay namugna ang matag purok sa taga munisipyo sa malapatan gihimo nga ang matag kristiyano niini magmugna ug ilang patron ubos sa gikauyunan sa tanang katoliko nga pamilya.

Gilingkuran kini nga panghuna-huna sa tag-as nga opisyales sa parokya uban sa kura paruko sama sa PPC (Parish Pastoral Council) ug PEC (Parish Economic Council) nga sila si Mr. Melanio Cagape, Mr. and Mrs. Cruz Solijon, Mr. Leon Garsuta, Mr. Jun or Catalino Venus, Mr. Paulito Coliao, Mr. Leodegario Eugine Modina ug uban pa nga anaa sa parokya nga naga lihok.

Ug ang Purok-4 nga gitawag GKK-I.C kun GKK Immaculada Conception Purok-4 Poblacion, nagkatigom  usab ang mga katawhang kristiyano aron sa pagpili ug ilang himoong patron sa ilang katilingban. Ug ubos sa panghuna-huna ni Mr. Eugene Modina nga ang Immaculada Conception nga maoy isa sa mga nahimong devotion sa katigulangan dinhi sa malapatan diin hangtud ni-adtung tungura kanunany pa nga gi-novenahan panahon sa bulan sa Disyembre ubos sa pagdumala nila ni Mrs. Cita Pintin, Mrs. Neneng Galano, Mrs. Poring Gesulga, Socoro Modina ug Mr. Anatalio Samano nga mga taga kabisay-an. Tuod man, gika-uyunan sa tanan nga manambong sa maong tigum ang panghuna-huna. Ug ilang gituboy si Mrs. Flores Lipat nga maoy mangulo kun unang Presidente sa GKK Immaculada Conception nga usa ka bul-anon nga bag-ong lumulupyo dinhi sa purok-4 nga gikan nga nagpuyo sa Masbong 3, Malapatan, Sarangani Province.

Tungod kay wala may luna o lugar nga kabutangan ug kapilya misugyot si Mr. Ricardo Ayo. Isa sa mga katigulangan nga sa tumoy lang usa sa kalsada itukod kay kuhaon lang kun gamiton na sa gobyerno ang maong lugar, gidawat usab sa tanan ang maong panghuna-huna ug ila usab na hunahunaan nga magtampo-tampo nalang ug kantidad aron makapalit ug materyales sama sa kahoy, lansang ug uban pa. Tuod man, wala madugay nakatigom sila ug kantidad nga balor P350.00 ug ila dayong gipamalit ug kahoy nga baratuhon didto sa Tambler, Gensan ubos sa pamuno ni Mr. Ricardo Ayo ug sa mga kalalakihan sa maong katilingban.

Gihimo ang pagtinabangay sa mga katawhan ang gitawag ug pagtinabangay sa mga katawhan ang gitawag ug bayanihan system, ug samtang ang mga bana nagpanday ang mga asawa usab maoy nag-andam sa pagkaon. Gipaningkamutan gayud sa katawhan nga madali paghuman ang maong kapilya sa dili pa maabot ang bulan sa Disyembre kay aron ila usab nga masaulog ang unang pista sa ilang katilingban. Ug tuod man bulan sa Nobyembre tuig 1987 nahuman ug natukod gayod ang kapilya ug nagkasabot sila nga himoon ang unang pista sa Immaculada Conception human sa kapistahan sa San Francisco Javier ang kapistahan sa Disyembre 03. Ug nagkauyon sila nga Disyembre 16 ang Immaculada Conception sa purok-4.

Ug gihimo gayud nga  ang unang pista sa GKK-Immaculada Conception Purok-4 Disyembre 16, 1987 ubos usab sa pamunuan ni Mrs. Flores Lipat ang unang president sa GKK-Immaculada Conception. Nagmugna usab sila ug mga kalihukan alang sa kapistahan ang “Gng. Immaculada Conception” u gang nahimong unang Gng. Immaculada si Mr./Mrs. Eugene Modina u gang 2^nd Runner-up si Mr./Mrs. Zacarias Samano u gang 3^rd Runner-up si Mr./Mrs. Pepe Escobal Sr. Apan wala man mupaso ang 3^rd Runner-up kay maulaw gi-proksihan sa pagpaso nila ni Mr./Mrs. Arturo Canubas Sr.

Mabulukon ug sadya ang unang kapistahan sa GKK-I.C.C Purok-4 ilabi na kay nagkahiusa usab ang katolikong katawhan sa pagtambong sa unang misa ni Fr. Fred Maghanoy ug tinambungan usab sa mga nahaunang GKK Officials. Apan tungod sa nagkalain-laing mga pari nga na-assign sa parokya dili na nagkapariha ang pitsa sa pagsaulog sa kapistahan sa bulan sa Disyembre. Pero gikan ni-adto hangtud karun ubos usab sa pagdumala sa nagkalain-laing president wala gayud mabalhin ang maong GKK patron hangtud sa pamunuan ni Mrs. Marlyn C. Canubas ang kasamtangang president. Ug gani adunay nagkalain-laing mga Ministriya ug mga organizations ang anaa na dinhi niining maong GKK sama sa:

GKK MINISTRY CHAIRMAN: Mrs. Marlyn C. Canubas

LLLM                                   : Mr. Arturo B. Canubas

LLM                                          : Mrs. Mrs. Evangelista Sanoria

CATz                                   : Mrs. Marcela Bahunsua

KRISKA                              : Mr. Gay Lord A. Canubas

PSAC                                   : Mrs. Janice S. Villamor

FLM                                    : Mrs. Francis Mae Sarbida

CYM                                    : Mr. Jay Pecolados

Rom’s:

  -CWL      : Mrs. Rosemarie Modina

  -SAMCUR:  Mr. Eugene Modina

  -K of C    : Mr. Francisco B. Canubas

  -DMA      : Mrs. Isabel P. Canubas